Atnext: "樓上鋪好受小商戶歡迎，雖然人流唔及街鋪同商場鋪，但可以用較平租金租到較大鋪位，以尖沙咀為例，用$15,000只能夠租到個100呎豆咁細街鋪，但加連威老道就可以租到800呎3樓樓上鋪連洗手間。由於08年經濟好景，好多小商戶租唔起貴鋪，一窩蜂搶租旺區樓上鋪，咁就搶貴晒租金；其後受金融海嘯影響，生意少，樓上鋪即使相對較平，好多小商戶都頂唔住。
銅鑼灣旺角帶頭減
好彩，踏入09年頭一個月，樓上鋪租金終於有得減，專營樓上鋪租售「搵鋪易」負責人吳先生同我講，話好多業主已經開始減租。「本來業主諗住樓上鋪租金相對較平，即使逆市都吸引到一租唔起商場鋪小商戶租鋪，所以企硬唔減，但近排部分樓上鋪商戶已經頂唔順，過完年直頭唔續租兼頂手，業主開始接受呢個事實，開始肯減租。好似銅鑼灣崇光百貨後面靚位2樓樓上鋪，800呎月租約$42,000，最近有兩間鋪冇再續租，業主諗住叫價$40,000再搵新租戶，個幾月都冇人問津，上星期卒之肯降價到$32,000，足足平兩成有多。而旺角彌敦道有部分樓上cafe亦做唔住，原位亦可能平租約一成左右再出租。」銅鑼灣、旺角都係樓上鋪最hit最旺地段，龍頭減租，其他地區大有可能跟住減。
不過有cafe做唔住，有就乘機發圍，好似銅鑼灣開業年幾樓上cafe「Sarahcafe」，負責人Sarah打算租鋪擴充。「我呢間cafe有500呎，月租$12,000，地方太細，而且我覺得呢個市道，食物質素高而價錢抵cafe，反而可以發圍，尤其銅鑼灣經營一間稍為高檔少少咖啡店，畀中產客一個舒適環境坐下飲tea食晚餐，絕對有得做。見開始減租打算會物色多一間鋪開分店，我睇中TimesSquare附近一個樓上鋪，過年之後，800呎租有望由上年10月約$22,000跌至$15,000，如果個減幅話，就會租開分店。」樓上鋪調低租金，對於創業者講絕對係佳音，想租樓上鋪搞cafe同美容中心等生意，呢個係一個發圍黃金機會。"
