星期六, 4月 09, 2011

霆鋒朝霆「 PO」CEO浮面

Danny Cheng: "曉峰霆鋒 = fungfung.net :)"


atnext: "全港最大,且在廣告界稱雄的後期製作公司「 PO」(朝霆),正是王晶早前爆響口,指謝霆鋒打骰,運作了八年的巴閉之作。公司業務有聲有色,近日更加發大嚟做,由銅鑼灣禮頓道四千多呎的香港總部舊址,搬到同區開平道,一幢新商業大廈萬幾呎寫字樓,當了八年隱形老闆的霆鋒,上週六(四月二日)搬新公司搞開幕酒會蒲頭,數百個廣告客戶俾面出席。

為擴充公司,霆鋒月花五十萬租用十六至十九樓四層寫字樓,加埋二樓放置器材,一共五層,每層面積三千多呎。對 Band房這個大玩具都要安裝指紋辨認密碼鎖出入的他,對打開門做生意的「 PO」,亦揀保安嚴密的商廈,外人必須由大堂接待員代拍密碼卡,才能到達樓層。新總部雖只是租用,但霆鋒仍花近五百萬 揼本裝修,更不惜向政府申請改則,將四層辦公室打通方便上落。連同○九年金融海嘯期間開設的上海分公司,由別墅改建成五千多呎辦公室,裝修設計同樣玩風 格。

內外都講派頭,但身為 CEO的謝霆鋒,咭片上自封為「茶水部主管」。親民是他過去八年的管理策略,廿二歲創業至今,深信做老闆要識用人同愛才,亦因此捱過數年前做到響朵後面對的挖角潮。

重提當日處變不驚,霆鋒一臉自豪說:「呢八年來最艱難日子唔係守業頭兩年,亦唔係金融海嘯,而係有一日二十個員工俾另一間公司,出五倍人工挖角,集體辭職。 我點應付?我做生意宗旨係重質不重量,唔會搾乾員工。同事病我會勸佢放假休息,做到腦閉塞我又主動提議一齊打陣機放鬆一下,係賓主亦係朋友關係。」

同時,他亦顧及到員工的發展將來,所以每年都會保送個別員工到荷蘭或其他地方進修增值,培育成為專才後,再回歸公司培訓新手,做到不假外求,更加不會同新科技脫節。

「我班職員有部分月薪去到十萬,佢哋幫公司打仗,所以係應得嘅,公司一年營運費加埋人工千萬計,當日面對集體辭職,我只係反問大家一句:『你肯唔肯定新工作環境,會令你哋返工都識笑?』結果最後只有一個人走,十九個留低。」"